個案四: 的士哥, 男性,45歲

大約6年前,肚腩生咗好多好細嘅一粒粒,有d似走米,有d又似瘜肉,凹凹凸凸~跟住見到胸部都有,因為無乜痛,又唔係太大粒,所以一直冇理佢,只係久唔久就搣吓佢咃,抓損吓~不過,年幾前見到連頸都有,生得愈來愈多,有d仲有肉芽,後來眼底都有d~見到咁好擔心,同老婆商量後,佢朋友叫我睇陳醫生,於是即刻book時間~

醫生初時唔知我生咗咁多呢d粒粒,佢拉開我件衫都嚇咗一跳,原來成身生咗成五百幾粒~佢檢查後就問我有咩生活習慣,我話平時揸的士放工好攰,都會去按摩~佢話我呢d係疣,有可能係用按摩院毛巾時感染,因為疣係人類乳頭瘤病毒,會高度傳染~跟住嗰7個月,醫生分咗好多次做二氧化碳激光治療,用激光氣化d受病毒感染組織,整走d疣~依家都成年,唔見復發~但醫生提醒要注意衛生,因為好易感染~